media

Ikulu ya White House yathibitisha uwepo wa mkutano kati ya Donald Trump na Vladimiri Putin wiki ijayo


Rais wa Marekani Donald Trump atakutana na mwenzake wa Urusi Vladimir Putin wiki ijayo, kwa mujibu wa Ikulu ya Marekani. Mkutano wa viongozi hawa ni maandalizi ya mkutano wa nchi 20 zilizoendelea zaidi kiuchumi duniani (G20).

Mshauri wa masuala ya ulinzi wa Marekani H.R. MacMaster amesema bado haijafahamika mada maalumu itakayozungumziwa katika mkutano wa wawili hao.

Mapema wiki hii ikulu ya Kremlin kupitia msemaji wake, ilithibitisha mkutano huo.

Itakua ni mara ya kwanza rais Donald Trump kukutana uso kwa uso na mwenzake wa Urusi Donald Trump.

Viongozi hawa wawili wanakutana, wakati ambapo rais wa Marekani anaendelea kukabiliwa na ukosoaji mkubwa kufuatia kuzuka kwa shutma kwamba maafisa wake walitoa siri za ndani za Marekani kwa Urusi kabla ya kuchaguliwa kwake kuingoza Marekani mwaka uliopita.

 

 

media

Vyombo vya Habari nchini Marekani vinaripoti kuwa rais Donald Trump anachunguzwa na wakili maalum Robert Mueller kwa tuhma za kuzuia haki.

Maafisa wa juu wa Inteljensia nchini humo wanatarajiwa kuhojiwa kufahamu ukweli uliomfanya rais Trump kuagiza kusitishwa kwa uchunguzi wa aliyekuwa mshauri wake wa maswala ya usalama Michael Flynn.

Washauri wa rais Trump wamesema wameshangazwa sana na kuvuja kwa kinachoendelea kwa vyombo vya Habari.

Ripoti ya uchunguzi huu imechapishwa katika magazeti ya Washington Post, New York Times na Wall Street Journal.

Kazi kubwa ya Mueller ni kubaini ikiwa kuna ukweli kuwa Urusi uliingia uchaguzi Mkuu mwezi uliopita, uliompa ushindi Donald Trump.

Hivi karibuni aliyekuwa Mkuu shirika la ujasusi la FBI James Comey alidai kuwa uwezekano mkubwa wa Urusi kuingilia uchaguzi huo.

Madai haya yamekanushwa na Urusi.

 

Wiki iliyopita, Kamati ya Senate inayoshughulikia maswala ya Inteljensia ilimhoji Comey na kuibua madai hayo ambayo pia Trump ameyakanusha vikali.

mediaKansela wa Ujerumani Angela Merkel akihojiwa maswali Bungeni.


Ujerumani inatazamiwa kujiunga Ijumaa hii na nchi nyingi za Magharibi kwa kuhalalisha kupitia kura za wabunge ndoa ya mashoga, baada ya Angela Merkel kuachana na upinzani wake wa maadili chini ya shinikizo la maoni ya umma.

Angela Merkel angependelea kura hiyo ipigwe baada na bunge lijalo, baada ya uchaguzi wa wabunge mwishoni mwa mwezi Septemba, wakati wa chama chake cha kihafidhina, kilichogawanika kuhusu suala hilo, kuweza kujadili upya uwezekano wa kupitisha au la ndoa za mashoga.

Lakini baada ya kutangaza siku ya Jumatatukuwa ataacha wabunge kutoka chama chake kupiga kura kwa uhuru kuhusu suala hilo, alijikuta akilazimishwa na mshirika wake katika serikali kufanyika mara moja kwa kura ya wabunge.

Chama cha Social Democratic, ambacho kinajaribu kupata kura nyingi dhidi ya Angela Merkel katika uchaguzi wa wabunge, aliomba kupigwa kura Ijumaa hii.

Baadhi ya vigogo kutoka chama cha kihafidhina cha Angela Merkel wanapingasuala hilo lakini ni wachache katika bunge la Bundestag dhidi ya vyama vitatu vya mrengo wa kushoto, ikiwa ni pamoja chama cha SPD.

 

 

media

Watu 19 wameuawa baada ya kundi la kigaidi la Al Shabab kutekeleza shambulizi la bomu mjini Mogadishu nchini Somalia.

Ripoti zinasema kuwa shambulizi hilo lilenga mkahawa maarufu katika mji huo mkuu.

Gari dogo lililokuwa limetegwa bomu lilipuka lakini pia magaidi hao kuwapiga risasi baadhi ya watu waliokuwa ndani ya mkahawa huo.

Abdi Bashir afisa wa usalama nchini humo amesema magaidi hao watano waliwazuia watu ndani na Mkahawa huo na kuanza kuwapiga risasi lakini wakalemewa.

Aidha amesema kuwa walifanikiwa kudhibiti mkahawa huo na kuwauwa magaidi watano.

“Tunadhibiti mkahawa na tumefanikiwa kumdhibiti mshambulizi huyu wa kujitoa mhanga,” ameimbia Reuters kupitia njia ya simu.

Kundi la Al Shabab, limedai kuhusika na shambulizi hilo.

Hii sio mara ya kwanza kwa mashambulizi kama haya kulenga mikahawa na maeneo mengine ya burudani nchini humo na kusababisha mauaji.

 

 

media

Polisi ya Ufaransa imefaulu kumkamata mtu mmoja katika jiji la Paris baada ya kujaribu kuendesha gari kwa kasi mbele ya umati wa watu nje ya msikiti mmoja nchini humo. Kwa mujibu wa maafisa wa usalama mtu huyo alikua na lengo la kuua kwa makusudi.

Kwa mujibu wa maafisa wa usalama mtu huyo alikua na lengo la kuua kwa makusudi.

Polisi inasema kwamba inaendelea kumshikilia mtu huyo, na tayari uchunguzi umeanzishwa ili kujua kwamba alishirikiana na watu wengine katika kitendo hicho.

Pia polisi inasema mtu huyo hakuweza kutimiza azma yake baada ya kushindwa kuvipita vizuizi vilivyokuwepo mbele ya msikiti huo.

Vyombo vya habari vya Ufaransa vinasema mshambuliaji huyo ana asili ya Armenia.

Shambulizi hilo lilitokea katika kitongoji cha Créteil na hakuna aliyejeruhiwa.

Miaka miwili iliyopita Ufaransa ilikumbwa na mashambulizi ya kigaidi na kusababisha vifo vya watu wengi.

 

 

media

Rais wa Jamhuri ya Kidemokradia ya Congo, Joseph Kabila Kabange amesema hajawahi kuahidi kuandaa Uchaguzi Mkuu nchini mwake mwaka huu.

 

Kabila ameliambia Jarida la kila wiki la Ujerumani la Der Spiegel kuwa hajaahidi chochote lakini anapenda Uchaguzi ufanyike haraka iwezekanavyo.

 

Aidha, amesema anataka uchaguzi mzuri lakini sio tu kufanya uchaguzi.

 

Hayo yanajiri wakati ambapo joto la kisiasa kuhuu uchaguzi kufanyika mwaka huu nchini DR Congo imeendelea kupanda, huku upinzani hasa ule unaoongozwa na mwana wa aliyekuwa kiongozi wa kihistoria wa upinzani Etienne Tshisekedi ukiendelea kugawanyika.

 

Hivi karibuni muungano huo wa Rassemblement uligawanyka baada ya uteuzi wa Waziri Mkuu kutoka muungano huo Bruno Tshibala.

 

Hali ya kisiasa nchini Dr Congo inaendelea kutisha , huko watu wengi wakiendelea kukamatwa na wengine kuuawa.

 

Wiki iliopita Umoja wa Ulaya na Marekani waliwachukulia vikwazo maafisa kadhaa wa serikali ya DRC kwa kuchochea uhasama na kuchangia kushindwa kuandaa uchaguzi mwaka huu.

media

Mjumbe maalum wa Umoja wa Mataifa kwa nchi ya Burundi rais wa zamani wa BurkinaFaso Michel Kafando, amemaliza zaira yake Alhamisi Juni 29 ikiwa ni ziara yake ya kwanza tangu kuteueliwa kwake, ambapo baadae atatembelea katika nji jirani kukutana na mratibu katika mazungumzo ya warundi, Bejamini William Mkapa, kisha ataelekea nchini Uganda kukutana na msuluhishi Yoweri Kaguta museveni kabla ya kuhitimisha ziara yake katika makao makuu ya Umoja wa Afrika jijini Addis Abeba nchini Ethiopia.

Ni ziara ya "heshima" kwa ajili ya mawasiliano ya kwanza na serikali ya Burundi, nchi ambayo inakabiliwa na mgogoro mkubwa wa kisiasa tangu rais Pierre Nkurunziza kuamua kuwania kwa muhula wa tatu tangu miaka miwili iliyopita.

Mazungumzo ya kuiondoa nchi hyo katika mgogoro huo yamekwama, licha ya shinikizo kutoka kwa jumuiya ya kimataifa. Michel Kafando ameonywa viongozi wa Burundi kwenda kinyume na matakwa ya serikali ya Burundi. Itafahamika kwamba watangulizi wake walikataliwa na serikali shutma kwamba walikua wakiegemea upande wa upinzani na kutoa ripoti za uongo dhidi ya utawala wa Pierre Nkurunziza.

Msemaji wa rais, Claude Karerwa Ndenzako, amesem wana imani na Mwakilishi mpya wa Umoja wa Mataifa kwa Burundi. "Serikali ina imani na mjumbe huyo wa Umoja wa Mataifa, "alisema msemaji wa Nkurunziza. Lakini alimuonya kwamba kama hatafuata matakwa ya serikali ya Burundi hasa kutoketi kwenye meza ya mazungumzo na upinzani ulio uhamishoni unaotuhumiwa kuhusika na vurugu nchini humo, serikali ya Burundi haitosita kumkataa kama watanguluzi wake.

"Watangulizi wake hawajashindwa, lakini wakati mwingine, waliegemea upande wa upinzani. hivyo basi, tunaamini kwamba hatokua kama watangulizi wake na tunamuomba aheshimu sheria za Burundi na kusoma vizuri azimio la Umoja wa Mataifa ili kujaribu kufufua mazungumzo hayo yaliyokwama, " amesema Bw Karerwa Ndenzako.

Michel Kafando, ambaye ni mara ya kwanza anazungumza na vyombo vya habari baada ya kuteliwa kwake kwenye nafasi hiyo amesema mchakato wa kusaka amani ni "jitihada kubwa mno", huku akisema kuwa yuko tayari kufanya kazi na serikali ya Burundi kwa kutafutia suluhu mgogoro wa kisiasa nchini Burundi. "Mimi sina jipya. Kazi niliokubali kwa hakika ni ngumu. Nadhani katika mambo yote, ni lazima pia kufanya kazi hiyo kwa makubaliano na nchi unataka kusaidia, " ameongeza Bw Kafando.

 

 

media

Rais wa Togo Faure Gnassingbé ndiye rais wa sasa wa jumuiya ya kiuchumi ya nchi Afrika Magharibi ECOWAS. Alichaguliwa siku ya Jumapili Juni 4 katika mkutano wa 51 wa viongozi wa nchi wanachama wa ECOWAS mjini Monrovia, nchini Liberia. Anachukuwa nafasi ya rais wa Liberia Ellen Johanson Sirleaf

 

Faure NGnasingbe alitoa wito kwa ushirikiano zaidi na kupongeza maendeleo ya kiuchumi yaliofikiwa katika ukanda huo wa Afrika Magharibi, wakati ambapo moja ya maamuzi ya mkutano huo ni kujenga barabara kuu kati ya Abidjan na Dakar.

 

"Sasa tunahitaji kufanya kiwango kikubwa cha ubora kuelekea lengo letu moja, ambalo ni kulifanya jumuiya yetu kuwa ni ya wananchi wote kutoka mataifa wanachama wa ECOWAS. Itatubidi bila kuchelewa kuondoa vikwazo vya mwisho vinavyowakabili wananchi wetu, kuwawezesha vijana wetu kwa kuhimiza maendeleo yao kiuchumi katika ukanda huu, kuwaendeleza wafanyabiashara wetu, kutumia uwezo wetu wa idadi ya watu , kuzingatia kilimo na viwanda ... changamoto nyingi ambazo tunatakiwa kwa pamoja kukabiliana nazo kwa minajili ya maendeleo ya watu wetu, " alisema rais wa Togo.

 

Mfalme wa Morocco Mohammed VI hakuhudhuria mkutano huo, baada ya kufuta ziara yake katika dakika za mwisho, kwa sababu ya kuwepo kwa mgeni mwingine maalum: Waziri Mkuu wa Israel Benyamin Netanyahu. Ziara ambayo kwa mujibu wa Waziri Mkuu wa Israel ni heshima kwa krudi kwa uhusiano wa kidiplomasia katia ya Israel na bara la Afrika.

 

"Israel imerejea Afrika na imerejea upya Israeli. Nina matumaini kwamba tunaweza kufikia mikataba miwili muhimu kwa kuimarisha ushirikiano wetu. Israel inafungua tume mbili mpya za kibiashara: moja katika Afrika Magharibi na nyingine katika Afrika ya Mashariki ili kuimarisha biashara kati ya nchi zetu, " Benyamin Netanyahu, amesema.

 

Niger iliwakilishwa katika mkutano wa Monrovia na balozi wake. Kwa mujibu wa vyanzo vilivyo karibu na serikali ya Niger, rais wa nchi hiyo Mahamadou Issoufou amekataa mwaliko kutokana na kuwepo kwa Waziri Mkuu wa Israel. Niger haina uhusiano wa kidiplomasia na Israel kwa miaka kadhaa.

 

Ujumbe wa watu zaidi ya 200 walihudhuria katika mkutano wa Monrovia, ambapo ahadi nyingi zilitolewa na mikutano kadhaa baina ya Israel na nchi hizo ilifanyika. Kwa mjibu wa Emmanuel Nashon, msemaji wa Waziri wa Mambo ya Nje wa Israel, Israel inaweza kuleta mambo mengi barani Afrika. "Katika nyanja ya kilimo, maji, teknolojia ya juu pia katika nyanja ya usalama, nadhani kuna mazungumzo muhimu ambayo yanafanyikakati ya Israel na nchi za Afrika Magharibi, , ameongeza Bw Nashon.

 

 

Mpango wa uwekezaji wa "Dola bilioni 1" katika nishati mbadala ilitangaza katika mkutano huo. Changamoto kwa Israel ni kuimarisha mahusiano ya kiuchumi, lakini pia kukabiliana na nchi za Afrika zinapiga kura "dhidi ya Israel" katika taasisi za kimataifa.

media

Sheria ya rais wa Marekani kuhusu uhamiaji na usafiri kwenda Marekani kwa raia kutoka nchi sita za Kiislamu imeanza kutekelezwa leo Ijumaa saa sita usiku (00:00). Kwa sasa raia kutoka mataifa hayo sita ya Kiislamu na wakimbizi wote wanakabiliwa na masharti magumu ya kuingia nchini Marekani.

Kulinagana na sheria hii mpya ya usafiri nchini Marekani, Bibi, shangazi, mjomba, binamu na mpwa hawakubaliki kuwa watu wenye uhusiano wa karibu na mtu anayetaka kuingia taifa hilo.

Sheria hii inamaanisha kwamba watu wasio na uhusiano wa karibu na wale wanaoishi nchini Marekani ama uhusiano wa kibiashara nchini Marekani huenda wakanyimwa visa na kuzuiliwa kuingia nchini humo.

Kwa mujibu wa sheria hiyo mpya, katika kipindi cha siku 90 zijazo raia kutoka mataifa hayo sita wasio na uhusiano wa karibu na raia wa Marekani hawataruhusiwa kuingia nchini humo.

Kulingana na sheria hii mpya, Wale walio na Visa hawataathiriwa.Wale wenye uraia wa mataifa mawili wanaotumia pasipoti zao pia wataruhusiwa.

Awali Jimbo la Hawaii liilishutumu serikali ya Marekani kwa kukiuka sheria ya mahakama ya juu kupitia kuwatenga watu.

Mapema juma hili, mahakama ya juu ilikubali sheria ya Trump kuhusu usafiri kutumika kwa muda.

Mahakama iliamuru kwamba watu wanaotafuta visa kuingia Marekani kutoka mataifa sita ya Kiislamu pamoja na wakimbizi wote, watalazimika kuthibitisha kuwa na uhusiano wa karibu na raia wa taifa hilo.

Mahakama ya juu inatarajiwa kutoa uamuzi wa mwisho kuhusu marufuku hiyo mnamo mwezi Oktoba mwaka huu.

 

 

Fahamu yote yaliyojiri katika Magazeti ya Tanzania leo Juni 5, 2017. Hapa unapata habari zote zilizopewa uzito katika kurasa za mbele.

 

Subcategories

Call us:
(+255) 026-2782454
Address:
P.O.Box 1086, Chaungingi ST, Njombe, Tanzania.
Telephone: (+255) 026-2782454
E-mail: info@kingsfm.co.tz
Location      Contact Us